Autoritetet britanike kanë dënuar me dy vite burg një shqiptar, i cili në 6 qershor të këtij viti u kap në një banesë duke kultivuar drogë.
Bëhet fjalë për shtetasin Gani Muca, i cili jetonte në një dhomë në banesën trekatëshe, ndërsa në të gjitha dhomat e tjera kultivohej kanabis.
27-vjeçari shqiptar u tha oficerëve se ai kishte jetuar në pronë për tre javë pasi kishte rënë dakord të kujdesej për bimët narkotike.
Ai u shpreh se ishte paguar 80 paund në javë për ushqim dhe i ishte ofruar një pjesë e fitimeve nga shitja e kanabisit.
Më tej, i riu shqiptar deklaroi se kishte qenë aty që nga muaji shkurt dhe kishte hyrë lirisht në territorin britanik.
Ai u deklarua fajtor për prodhim të lëndëve narkotike.
Droga e mbjellë në banesën trekatëshe nëse do të hidhej në treg do të kapte vlerën e 70 mijë pafundëve. /m.j
