Një foto e një vajze të mitur shkrepur pranë aeroportit të Berlinit, u bë virale ditën e sotme. Ndërsa ka shkelur një tokë të re, lumturia e vajzës për jetën e saj që ka lënë pas, shfaqet në kërcimin mbi rrugën e asfaltë.
Fotoja bëri xhiron e mediave online, duke e cilësuar këtë imazh, një moment emocionues mes krizës në Afganistan, që vijon ende. Fotoja është shkrepur nga fotografja e Reuters Johanna Geron.
Që kur talebanët pushtuan plotësisht Afganistanin, njerëzit kanë tentuar të ikin prej aty, në kërkim të një jete më të mirë, minimalisht pa luftë.
Shumë prej tyre janë vendosur në Evropë, ndërsa mijëra të tjerë, kërkojnë dëshpërimisht të largohen nga Kabuli, mes shpërthimeve që orët e fundit, kanë qenë fatale për shumë njerëz.
