Në vitin 2016, autoritetet zvicerane e kishin konfiskuar një koleksion të super-veturave, që i përkisnin Teodoro Nguema Obiang Mague, djalit të nënpresidentit të Guinesë Ekuatoriale.
Pas tri vitesh, veturat që iu konfiskuan këtij diktatori të korruptuar, me dyshimin se po bënte pastrim parash, janë shitur në shtëpinë e ankandeve Bonhams në Zvicër.
Super-vetura kryesore e këtij ankandi, që arriti të shitej për një shumë tepër të lartë dhe tejkaloi çdo pritje, ishte një Lamborghini Veneno Roadster.
Makina pritej të shitej për 5 milionë dollarë, ky Lamborghini u bë më i shtrenjti që u shit ndonjëherë në ankand, pasi për të u ofruan 8 milionë dollarë. Ky është dyfishi i çmimit, që ky Lamborghini doli në shitje më 2014 dhe kushtonte 4 milionë dollarë, raporton ttutosport.
Vetëm nëntë Veneno Roadster janë prodhuar, për të festuar 50 vjetorin e Lamborghinit, derisa ky që u shit në ankand, nuk kishte mbi 325 kilometra të kaluara dhe kishte gjendje shumë të mirë./ Javanews
g.kosovari
