Kryeministri Edi Rama ka mirëpritur në Kryeministri me një ceremoni zyrtare Presidentin e Ukrainës Volodimir Zelenski (Volodymyr Zelensky).
Sikurse u bë me dije edhe nga agjenda zyrtare, kreu i qeverisë shqiptare ka zhvilluar një takim kokë me kokë me Presidentin Zelenski.
Gjatë mbërritjes së Zelenskit në Kryeministri, u vu re një rritje e shtuar e masave të sigurisë.
Por teksa dy liderët e Shqipërisë dhe Ukrainës vijojnë takimin “kokë më kokë”, në orën 09:30 do të zhvillohet edhe takimi bilateral mes dy delegacioneve, për të vijuar më pas me nënshkrimin e marrëveshjes mes dy vendeve.
Sikurse është njoftuar edhe më herët në agjendën zyrtare, në orën 11:30 kryeministri Rama dhe Presidenti ukrainas, Zelenski do të mbajnë fjalët hapëse të Sesionit të “Ukrainë – Europa Juglindore”.
Ndërkaq, në orën 13.30 pritet të mbahet konferenca e përbashkët mes kryeministrit Rama dhe presidentit të Ukrainës, Volodymyr Zelensky.
/a.r
