Arsen Stojku dhe Myslim Rama janë dy personat të cilët janë vënë në pranga nga policia e Shkodrës pasi dyshohet të kenë marrë pjesë në ekzekutimin e dy vëllezërve Bilali.
Sipas njoftimit zyrtar të policisë së Shkodrës, 29 vjeçari dhe 23-vjeçari, të dy lindur dhe banues në fshatin Mjedë, bashkia Vau i Dejës, akuzohen për “Vrasje me paramendim kryer në bashkëpunim” dhe “Prodhimi dhe mbajtja pa leje e armëve luftarake dhe municionit”.
Burime për Dosja.al bëjnë me dije se asnjëri prej tyre nuk rezultomn me precedentë penalë.
Nga ana tjetër, në kërkim janë shpallur dy persona, Ibrahim Lici që është i dyshuari kryesor për vrasjen e dyfishtë dhe një person me inicialet D.B., 29 vjeç, i cili akuzohet për veprën penale të “Përkrahja të autorit të krimit”.
Dy vëllezërit Astrit dhe Brahim Bilali u ekzekutuan me breshëri automatiku në pragun e portës së tyre. Astriti është babai i Asmer Bilalit, boksierit të arrestuar si pjesë e grupi “Bajri”. Ngjarja dyshohet se lidhet me hakmarrjen dhe luftën mes bandave në Shkodër. Policia tashmë ka dy persona të arrestuar dhe dy të tjerë i ka shpallur në kërkim.
Ndërkohë në kërkim është Ibrahim Lici, i dyshuari kryesor për vrasjen e Brahim dhe Astrit Bilalit.
Ibrahim Lici është djali i Mustafa Licit, anëtarit demokrat të Këshillit Bashkiak në Shkodër, i cili prej vitesh është në konflikt me familjen “Bajri”.
“U bë shpallja në kërkim e shtetasit Ibrahim Licit, 26 vjeç, si i dyshuari kryesor për veprën penale të vrasjes”, tha Policia e Shkodrës.
Nga gjoba tregtarëve, te vrasja e Bilalajve: Kush është Ibrahim Lici
Ibrahim Lici, 26 vjeç, i dyshuari kryesor për vrasjen e dy vëllezërve Bilali në Shkodër, është një personazh i njohur për policinë.
Dy vite më parë, atëherë 24 vjeç, ai u arrestua gjatë një operacioni nga policia në kryeqendrën e veriut, si “truri” i një bande gjobëvënësisht ndaj tregtarëve.
Nëntë persona përfunduan në pranga si pjesë e këtij grupi kriminal.
Ata i detyronin tregtarët që në fund të çdo muaji të paguanin shuma nga 1000 deri në 3000 lekë të reja.
Sipas hetimeve, dyshohet se në krye të këtij grupi të strukturuar kriminal, në rolin e organizatorëve qëndronin pikërisht Ibrahim dhe Muhamet Lici, të afërm me njëri-tjetrin si dhe Abedin Bajraktari.
Pasi qëndroi disa muaj në paraburgim, i riu u la i lirë nga Gjykata, pasi edhe vetë tregtarët, të cilët fillimisht i kallëzuan, kërkuan lirimin e tyre me pretendimin se banda i mbronte nga keqbërësit e tjerë.
Ibrahim Lici është djali i Mustafa Licit, anëtar i Këshillit Bashkiak të Shkodrës.
Këtij të fundit i ekzekutuan në një atentat në gusht të vitit 2018 të vëllanë, Fatbardh Licin, ngjarje kjo e ndodhur në qendër të Shkodrës, ndërsa më herët në janar, iu bë atentat me tritol Lul Kullës, kunatit të Fatbardh Licit, të cilit ai i mbijetoi.
Për policinë mbeten ende të paqarta motivet e ekzekutimit të Astrit dhe Ibrahim Bilalit te dera e shtëpisë në 30 mars të këtij viti, por të gjitha dyshimet të çojnë te ajo e vrasjes për hakmarrje, pas një zinxhiri ngjarjes kriminale që kanë tronditur Shkodrën muajt e fundit.
Licajt prej vitesh janë në konflikt me familjen “Bajri”. Ndërsa djali i Astrit Bilalit, Astmer Bilali, ndodhet në qeli, i arrestuar si pjesë e grupit kriminal “Bajri”.
Policia e Shkodrës njoftoi sot se ka zbardhur ngjarjen ku mbetën të vrarë dy vëllezërit. Në pranga kanë rënë Arsen Stojku 29 vjeç dhe Myslim Rama, 23 vjeç, si dhe ka shpallur në kërkim dy persona të tjerë, mes të cilëve edhe Ibrahim Licin, i dyshuari kryesor për ngjarjen.
g.kosovari
