Ky është Mehdi Kavaja, personi që u gjet i vrarë në servisin e tij në Shkodër.
Ngjarja ka ndodhur në lagjen “Tophane” të qytetit verior, ndërsa policia dhe organet e drejtësisë po punojnë për të sqaruar rrethanat e ngjarjes.
Fillimisht ngjarja u raportua si vdekje natyrale, si dhe u hodhën dyshime për vetëvrasje, por pas këqyrjes së kufomës, u zbulua se ai kishte plagë të shkaktuara nga armë zjarri.
Më vonë u zbulua se 60-vjeçari Kavaja kishte marrë një plumb në kokë.
Nuk dihet nëse viktima ka pasur ndonjë konflikt.
Po ashtu, për të ndihmuar në zbardhjen e ngjarjes, janë marrë në pyetje familjarët, por ende nuk jepen të dhëna rreth dëshmive të tyre./a.m.
