Prej disa ditësh mediat greke po i kushtojnë vëmendje fotove të ushtarëve me origjinë shqiptare që bëjnë simbolin e shqiponjës me duar. Kjo ka sjellë reagim të ashpër në shtetin helen ku madje Ministri i Mbrojtjes kërkoi dënimin maksimal për ushtarët. Reagime këto të pakuptimta nga një veprim fare normal i ushtarëve që thjesht shprehin krenari për prejardhjen e tyre, pa ofenduar aspak identitetin e shtetit grek. Por, kjo u pa si provokim nga opinioni në Greqi në mënyrë të habitshme.
Teksa opinioni grek po i bën gjyqin publik ushtarëve, një qytetar shqiptar që jeton në Itali ka publikuar një foto ku ai shfaqet mes dy karabinierëve.
Ata bëjnë shqiponjën me duar, njësoj si ushtarët në Greqi. Por, kjo jo vetëm që nuk u pa nga italianët si provokim, por fotoja u prit pozitivisht nga opinioni./a.m.
