Përleshje të ashpra mes policisë greke dhe banorëve të ishullit Lesbos, të cilët kishin dalë në një protestë kundër ndërtimit të një qendre të re për strehimin e emigrantëve.
Sipas dëshmitarëve nga vendngjarja, mbi 500 banorë të ishullit të famshëm grekë i prenë rrugën makinerive të rënda që po shkonin të nisnin punimet për qendrën e re për emigrantët, në vendin e caktuar nga autoritetet.
Kampi i ri që po planifikohet të ndërtohet do të jetë i mbyllur dhe do të zëvendësojë të parin në Moria, i cili ishte planifikuar të strehonte 3000 persona dhe brenda tij, kohët e fundit, jetonin 18 mijë.
Autoritetet greke kanë planifikuar të ndërtojnë objekte të mbyllura për emigrantët në ishujt Lesbos, Chios, Samos, Kos dhe Leros, të cilët ndodhet më pranë Turqinë nga ku mijëra persona nisen çdo vit për të arritur Europën.
Rrugët që çojnë në zonën ku pritet të ndërtohet struktura e re e refugjatëve dhe migrantëve në Lesbos janë mbyllur nga grupet e banorëve të cilët kanë përdorur kamionë të rëndë dhe makineri, duke lejuar hyrje vetëm për fermerët vendas.
Gjatë përplasjes u lëndua edhe kryebashkiaku i Kiosit Stamatis Karmantzis dhe prifti e presidenti i Asamblesë të Klerit të Kiosit, që u dërguan në spital.
Në mëngjes, studentet pushtuan shkollën e mesme të Madamado, duke protestuar kundër ndërtimit të strukturës së re.
