Lefter Zhidru mbajti në tensionin dje gjithë Policinë e Shtetit rreth 5 orë, e cila u detyrua në fund ta ekzekutojë me snajper.
Në shtëpinë e 71-vjeçarit në lagjen ’11 Nëntori’ në Elbasan , tashme kanë mbetur gjurmët e plumbave që i kanë bërë shosh muret.
Fqinja e përshkruan 71-vjeçarin si një njeri problematik teksa rrëfen se familja e tij qëndronte e mbyllur në shtëpi. Ajo tregon se ndaj tij është bërë disa herë denoncim në polici.
“Kush e di sa herë kemi çuar denoncim në polici. Kjo është bashkëshortja e tretë më duket, se di. Nuk hapej dera fare, ato rrinin brenda. Gjatë pandemisë bënte sherre gjithmonë. Dilshin çunat luanin domino ai shaj e bërtit. Unë qëndrova brenda në banesë se kisha dy pleq. Kemi ndenjur deri në darkë sa mbaroi punë policia. E njihja si komshi”, tha fqinja.
g.kosovari
