Vetëm pak orë pas nisjes së gërmimeve, në Dragot të Tepelenës janë gjetur eshtrat e dy ushtarëve grekë të rënë gjatë Luftës së Dytë Botërore. Përkatësia etnike e tyre u zbulua përmes numrit të identifikimit që mbanin si dhe medaljeve që u gjetën.
(Eshtrat dhe medalja që ka mbajtur ushtari grek i rënë në Dragot)
Gërmimet po kryhen nga një komitet i përbashkët shqiptaro-grek.
Pak orë pas përhapjes së lajmit për gjetjen e eshtrave ka ardhur edhe reagimi nga Athina zyrtare. Përmes një statusi në Twitter, MPJ greke, e ka quajtur si historike zbulimin e eshtrave të dy ushtarëve, ndërsa ka vlerësuar punën që ka nisur ditën e sotme në këtë zonë.
“Historike gjetja e parë e eshtrave të dy ushtarëve grekë. Puna filloi sot, në prani të një komiteti të përbashkët greko-shqiptar, në një klimë të mirë.”, thuhet në reagimin e Ministrisë greke.
/a.m.
