Nis zhvendosja e emigrantëve në xhunglën e Calais, ndërsa autoritetet franceze kanë marrë masat për të shkatërruar kampet ku refugjatët ishin strehuar. Pavarsisht tensioneve dhe përplasjeve gjatë natës, gra e burra me çanta në duart janë paraqitur në orët e para të mëngjesit në pikën e grumbullimit. Rreth 60 autobus po zhvendosin drejt qendrave të pritjes rreth 6 mijë emigrant të cilët ishin strehuar në Calais, qytet në jug të Francës.
Çdo autobus do të monitorohet nga një satelit dhe do të kalojë para pikave të kontrollit të ngitura nga forcat e ushtritë. Qeveria pariziane theksoi se ky do të jetë një operacion humanitar, i cili ka për qëllim të mbyll një nga lagjet më të varfra franceze, ku jetonin emigrant të ardhur kryesisht nga Afganistani, Sudani, Eritrea. Të gjithë me synimin për të kaluar drejt Mbretërisë së Bashkuar.
Mes 6000 emigrantëve, rreth 1291 janë fëmijë. Ndërkohë minorenët pa familje do të vendosen në një kamp të përkohshëm ku do të nisin dhe procedurat për transferimin e tyre në Britani.
Çmontimi i kampit do të zgjasë të paktën 1 javë.Rreth 1250 agjentë u angazhuan në shkatërrimin e kampit të njohur si xhungla për shkak të kushteve të vështira të jetesës ku jetonin emigrantët. Në këtë zonë do të ndërtohet edhe një mur rreth 4 metra i lartë cka synon të ndalojë vërshimin e refugjatëve drejt ishujve britanikë. ma.me
