Një shqiptar dhe bashkëjetuesja e tij italiane janë vënë në pranga nga policia pasi kanë mashtruar një të moshuar italian, që kishte probleme me alkoolin. Sipas mediave italiane, shqiptari dhe bashkëjetuesja e tij italiane e kishin njohur 74-vjeçarin në një bar në Verçeli të Italisë. Ai kishte probleme me alkoolin dhe vuante nga cirroza në mëlçi.
Çifti përfitoi nga rasti dhe e bindi të moshuarin që të kujdesej për të. Mirëpo, ata e drogonin dhe i jepnin alkool teksa u transferuan te banesa e tij. Madje çifti jetonte me paratë e të moshuarit, duke i vjedhur 100 mijë euro. Më pas, ata zbuluan 600 mijë euro kursime të të moshuarit, por nuk arritën dot t’i grabisnin, pasi vajza e të moshuarit i kallëzoi. /MA.ME
