EKSKLUZIVE/ E gjeni dot kush është ky fëmi? Sa për orientim: Ai është sot një emër shumë i njohur i televizioneve shqiptare, gazetar që ngrihet nga gjumi që pa gdhirë për të shkuar në emision, por në fëmijëri nuk ja përtonte të hiqte llastikun e mbathjeve për të bërë llastiqe teli. Ai ishte kthyer në tmerr të kopsave të palltove të mamasë, sepse luante shumë me kopacë.
Janë të njohura në lagje kacavjerrjet e mundimshme të tij nëpër pemët e komshive për të përlarë frutat nga pemët në baçe, e ku rrallë herë shpëtonte pa u kapur. Përpiqej të mos zihej në lagje dhe në shkollë, por nuk ngurronte të nxiste të tjerët për këtë apo prapsi të tjera sipas parimit “hedh gurin fsheh dorën”. Miqtë pranë tij thonë se vdes për tavë kosi dhe bakllava. Përgjigja është Eno Popi, ose siç njihet ndryshe moderatori i emisionit ku mund të fitosh “100 milion”.
m.m
