*Kolonel Thomson pati një fat të keq në Shqipëri, por njësoj të hidhur e përballi edhe personazhi që shpresonte të mbante fronin shqiptar. Në këtë foto të rrallë, që po botohet nga JAVAnews dhe afruar në rrjetet sociale nga studiuesi Armand Plaka, tregohet Princ Vidi me uniformë civile në vitin 1931 teksa është duke nderuar kujtimin e Kolonelit Thomson! Ai nuk hoqi kurrë dorë nga froni shqiptar, edhe pse Shqipëria dhe shqiptarët tashmë kishin konstituuar një monarki të re.
Ai nuk hoqi kurrë dorë nga froni shqiptar, edhe pse Shqipëria dhe shqiptarët tashmë kishin konstituuar një monarki të re me një mbret me gjak të pastër shqiptar.
E duket se edhe 17 vjet pas eksperiencës së dështuar në fronin shqiptar, ai vijonte ta kujtonte me nostalgji atë periudhë dhe të nderonte kujtimin e atyre që dhanë jetën për të. Kështu ndodhi edhe me Wilhelm von Wied, në vitin 1931, kur ndërsa ndodhej në Hagë (Holandë), nuk i shpëton dot vëmendjes së shtypit vendas, ndërsa pozon nën këmbët e monumentit të Kolonelit Lodewijk Thomson, i cili gjeti vdekjen në përpjekje me kryengritësit pranë Durrësit në 15 qershor 1914.
Kështu na thotë të paktën diçitura e gazetës holandeze “Hagsche Courant”, e 13 qershorit 1931, e cila deshifrohet fare qartë, duke më bërë të besoj se është hera e parë ku na dokumentohet shfaqja e Vidit në këtë periudhë kohore. Në të njejtën faqe, gjendet edhe një foto e dytë e Princ Vidit, ku ai paraqitet gjatë pjesëmarrjes në një pavion kushtuar familjes së tij nën shoqërinë e një fisniku të kohës.
