Ngjarje e rëndë në Rusi. Një balerinë mjaft e njohur në Rusi, Natalia Pronina, 30 vjeçe është ekzekutuar me armë zjarri në mes të rrugës në Moskë.
Mediat ndërkombëtare shkruajnë se Pronina u vra kur po kthehej në shtëpi pas provave, nga një person i maskuar që e qëlloi për vdekje nga afër.
The Sun shton më tej se paraprakisht autori hodhi një granatë në një tjetër zonë, në mënyrë që të zhvendoste vëmendjen e policisë lokale dhe të kryente krimin i qetë.
Hetimet kanë nisur dhe ngjarja dyshohet të ketë lidhje me jetën personale të balerinës, të cilës para pak muajsh i ishte zbuluar lidhja me deputetin Alexander Kravchenko, 33 vjeç.
Gruaja e këtij të fundit është e para që do të merret në pyetje, pasi e kishte kërcënuar balerinën në momentin që kishte marrë vesh lidhjen e saj të fshehtë me të shoqin.
g.kosovari
