Altin Alikaj, 46-vjecari që u gjet i pajetë në banesën e tij, disa ditë pasi ishte shpallur i humbur, dyshohet të jetë vrarë me armë zjarri.
Nderkohe Të tjera detaje janë zbardhur në lidhje me 46-vjeçarin, i cili sipas policisë së Vlorës, dyshohet se është vrarë me armë zjarri. Burime për “Panorama.al” bëjnë të ditur se Altin Alikaj para disa kohësh ka qenë në Kosovë dhe mësohet se i është mbajtur pasaporta dhe më pas në Shqipëri është kthyer ilegalisht.
Vlorë/Informacion paraprak
Në vijim informacionit paraprak, i cili bën fjalë për ngjarjen e ndodhur në lagjen “24 Maji”, ku është gjetur i pajetë, në banesë, nga nëna e tij, shtetasi A. A., 46 vjeç, i cili ishte shpallur i humbur më datë 11.02.2022, ju bëjmë me dije se:
Nga këqyrja paraprake në trupin e shtetasit A. A., janë konstatuar dëmtime të ngjashme, si ato të shkaktuara me armë zjarri. Trupi i viktimës ndodhet në morgun e Vlorës, për ekzaminime të mëtejshme.
Grupi hetimor, nën drejtimin e Prokurorisë, po punon për dokumentimin e plotë të ngjarjes dhe grumbullimin e provave që do të çojnë në identifikimin e autorit/ve të ngjarjes.
