Numri i shqiptarëve që kalojnë ilegalisht në Britaninë e Madhe po rritet nga dita në ditë ndërkohë që autoritetet vendase kanë shtuar masat për parandalimin e trafikut. Së fundmi, gjykata e Birmingamit ka dënuar një grup shqiptarësh, të cilët në bashkëpunim me dy anglezë bënin kalimin e shqiptarëve të tjerë nga Franca në Angli, raporton Albeu.com.
Të dënuarit janë Ilir Hani, Vullnet Karaj dhe Eduart Karaj. Policia angleze e ka zbuluar grupin përmes verifikimit të tabulateve të telefonit të anglezes Gillian Barker, e cila ishte e dashura e njërit prej kushurinjve Karaj. Policia angleze kishte marrë të dhëna në lidhje me udhëtimet nga Franca dhe Belgjika për në Angli duke zbuluar ndër të tjera edhe Gillian Barker, të cilës iu gjeten tre shqiptarë në makinë, njëri prej të cilëve, i mitur. Pas gjykimit, gjykata vendosi të dënojë me nga 5 vite burg Vullnet dhe Eduart Karajn dhe 4 vite burg Ilir Hanit.
ma.me
