Policia e Shtetit publikon emrat dhe fotografitë e tre personave të dënuar me burgim të përjetshëm, të shumëkërkuar nga Njësia e Kërkimit
I pari është i dënuari me burg përjetë Sokrat Ruda. Ai akuzohet se në datën 8 qershor 1995, në lagjen “Isa Boletini”, Vlorë, Ruda ka vrarë me armë zjarri për motive të dobëta xhelozie shtetasin Z. D.
Sokrat Ruda është dënuar me burgim të përjetshëm nga Gjykata e Rrethit Gjyqësor Vlorë, për veprat penale “Vrasja me paramendim” dhe “Armëmbajtja pa leje”.
I kërkuari i dytë është dënuari me burg përjetë Jani Alia. Ai akuzohet se në datën 1 maj 2016, në një lokal në Tiranë, ka vrarë me armë zjarri shtetasin Elton Çiço.
Jani Alia është dënuar me burgim të përjetshëm nga Gjykata e Shkallës së Parë Tiranë, për veprën penale “Vrasja me paramendim”.
I shumëkërkuari i tretë është dënuari me burg përjetë Artur Kuliçi
Në datën 6 mars 2013, në një lokal nate në Tiranë, shtetasi Artur Kuliçi, pas një konflikti me disa persona të tjerë, ka qëlluar me armë zjarri duke rrezikuar jetën e disa personave dhe si pasojë ka mbetur e vrarë me armë zjarri balerina Sonila Tafa.
Artur Kuliçi është dënuar me burgim të përjetshëm nga Gjykatës e Rrethit Gjyqësor Tiranë, për veprat penale “Vrasja në rrethana të tjera cilësuese” dhe “Armëmbajtja pa leje”.
g.kosovari
