Gruaja më e shëndoshë në botë, e cila dikur peshonte 317 kilogramë, tani nuk njihet më pasi ka arritur që të humbasë dy të tretat e peshës së saj trupore.
Christina Phillips, nga Misisipi, Shtetet e Bashkuara të Amerikës, peshonte më shumë se 267 kilogramë kur u shfaq për herë të parë në serialin televiziv “My 600-lb Life”, në vitin 2012.
Në atë kohë, ajo ecte nga njëra dhomë në tjetrën në shtëpinë e saj dhe me zor merrte frymë.
“Jam e bllokuar brenda këtij trupi ku nuk dua të jem”, tha ajo, duke shtuar se kishte dy vite që nuk kishte dalë nga shtëpia.
Ndërkohë në vitin 2014, kur ajo ishte 22 vjeçe, iu nënshtrua operacionit të bypass-it të stomakut. Kjo ndërhyrje i transformoi plotësisht jetën.
Përpara se t’i nënshtrohej bypass-it gastrik, ajo kërkoi ndihmën e kirurgut të humbjes së peshës Dr. Younan Nowzaradan, i cili i tha asaj se duhej të humbiste peshë para procedurës.
Me një dietë më të mirë, stërvitje dhe operacion, Phillips arriti që të kishte rezultate mbresëlënëse.
Tani e reja tregon trupin e saj elegant, 84 kilogramë, në rrjetet sociale dhe duket krejtësisht tjetër njeri.
Pavarësisht pamjes së gëzuar, Phillips ka luftuar me një sërë çështjesh të ndryshme të shëndetit mendor që nga humbja e kilogramëve.
Sipas “The List”, ajo ka luftuar me ankthin për rikthimin e peshës së saj dhe kishte frikë se do të ishte sërish e mbyllur në shtëpi, por ka vazhduar të kërkojë terapi./m.j
