Një i ri shqiptar është arrestuar nga policia në Itali pasi u zbulua se mbante të fshehur në shtëpi 44 kg marijuanë. Gjatë kontrollit atij gjithashtu iu gjet dhe një pistoletë “Berreta” me tetë plumba. Dorian Meta me banim në Modena nga verifikimet rezulton se është një person pa të kaluar kriminale. 29-vjeçari u kap si policia vërejti disa lëvizje të dyshimta të tij.Pas kësaj, policia ndërhyri duke e arrestuar pavarësisht përpjekjeve të tij për t’ia mbathur.
Nga kontrolli në apartamentin e tij përveç 44 kg marijuanë dhe pistoletës, u gjetën gjithashtu 92 gramë kokainë, 44 gramë hashash si dhe pajisje për paketimin dhe përzierjen e drogës, si dhe disa euro false. Policia italiane thotë se Meta ishte një trafikant i madh droge pasi furnizonte me lloje të ndryshme të rinjtë në Bolonja. Gjithashtu thuhet se, droga vinte direkt nga Shqipëria.
ma.me
