Ambasadori amerikan Donald Lu i cili është mbështetësi më i madh i Reformës në Drejtësi, është takuar me ish-ministrin e Drejtësisë, Ylli Manjanin, kritiku i ashpër i kësaj reforme.
Qëndrimet e këtij të fundit kanë qenë mjaft të ashpra ndaj trupit diplomatik në Tiranë duke shpërthyer herë pas here në akuza.
Siç duket kjo ka nxitur ambasadorin që të ulet për t’i sqaruar ngjarjet e fundit dhe zhvillimet rreth reformës.
Ish-ministri Ylli Manjani ka treguar bisedën me Ambasadorin Donald Lu. Në një postim në Facebook, Manjani shkruan se kanë biseduar për të tashmen, për të shkruarën dhe për të ardhmen.
Postimi i Manjanit
Po, pimë një kafe së bashku me Ambasadorin Lu. Pa asnjë kompleks e as paragjykim.Asgjë personale!Folëm goxha, për të sotmen dhe të ardhmen… Edhe për të shkuarën folëm pak. Sheshuam edhe disa keqkuptime që na mbanin larg…
/a.ç
