Mbështetës të Partisë Demokratike janë përplasur me anëtarët e zgjedhur të Këshillit Bashkiak, të cilët sot do zhvillonin mbledhjen e parë për konstituimin e tij.
Por kanë hasur në kundërshtinë e disa përfaqësuesve të Partisë Demokratike, mes të cilëve edhe të vetë kryetarit, mandati i të cilit nuk është më në fuqi pas 30 qershorit.
Një pjesë e militantëve kanë hyrë në bashki, ndërkohë që kreu i bashkisë i së djathtës, Bledion Nallbani ka bërë thirrje dhe madje ka deklaruar se në asnjë rast nuk do të lëmë që bashkia të uzurpohet.
Sipas tyre 30 qershori është një datë e paligjshme me dekret presidencial.
Ndërsa kryetari në detyrë i bashkisë së Devollit Bledjon Nallbati i zgjedhur nga radhët e PD-së katër vite më parë u shpreh sot se nuk e liron zyrën, pasi nuk e njeh 30 Qershorin, ndërsa krah tij për të protestuar jashtë ambienteve të institucionit janë militantë dhe punonjës të bashkisë.
Kreu aktual i bashkisë Nallbati ndodhet në zyrën e tij dhe deklaron se po vijon punën.
“Ne po vijojmë punën. Nuk ka pasur zgjedhje. Populli i abandonoi. Ishin zgjedhje të PS-së. Bashkia po uzurpohet. Ne zbatojmë dekretin e presidentit. 30 qershori është shfuqizuar.
Do mbrojmë Kushtetutën. Nuk ka kryetar të ri as këshill të ri. Kryetarët vijnë dhe ikin me zgjedhje. Nëse bashkia pushtohet do ti ndalojmë dhe procedojmë pranë prokurorisë” deklaroi ai për mediat.
Bledjon Nallbati kryebashkiaku i PD-së në ikje
g.kosovari
