Një tjetër “dron” ka zbarkuar në Beograd. Ka qenë deputetja e Partisë Demokratike të Kovoës Ganimete Musliu, e cila ka marrë pjesë bashkë me 13 kolegë të saj kosovarë në forumin e organizuar nga “Council for Inclusive Govermance” (CIG) me temën “Parlamentet e Kosovës dhe Serbisë dhe normalizimi i marrëdhënieve.
Në këtë takim deputetja Musliu është shfaqur e veshur kuqezi dhe me flamurin shqiptar.
Sipas saj, ky gjest ka pasur dy simbolika: e para, se është shqiptare dhe e dyta, sipas saj, për t’i treguar Serbisë se përfaqëson shtetin e Kosovës.
E pyetur nga mediat kosovare, Musliu ka treguar se ka kërkuar që Serbia edhe de jure ta njohë pavarësinë e Kosovës.
“Kërkova nga deputetët serbë mos t’i mashtrojnë qytetarët e tyre, por t’u tregojnë atyre që Kosova është shtet”, ka thënë Musliu.
Redaksia Online
(Javanews.al)
