SHBA ka vendosur sanksione kundër vajzave të rritura të Presidentit Vladimir Putin, Katerina Vladimirovna Tikhonova dhe Maria Vladimirovna Vorontsova. BBC shkruan se të dyja këto janë vajzat e Putinit dhe ish-bashkëshortes së tij Lyudmila. Çifti u nda në vitin 2013.
Kush janë vajzat e Putinit?
Vorontsova është një akademike, e specializuar në sistemin endokrin. 36-vjeçarja udhëheq programe të financuara nga shteti që kanë marrë miliarda dollarë nga Kremlini drejt kërkimeve gjenetike dhe që mbikëqyren personalisht nga Putin.
Ndërsa motra e saj, Katerina Tikhonova, 35 vjeç, është përshkruar nga Shtëpia e Bardhë si një ekzekutiv teknologjik, puna e të cilit mbështet GoR [qeverinë ruse] dhe industrinë e mbrojtjes.
Tikhonova është gjithashtu një kërcimtare rock ‘n’ roll e cila ka marrë pjesë në garat ndërkombëtare. Putini është shumë i kujdesshëm për familjen e tij dhe ka thënë më parë: Unë kurrë nuk e diskutoj familjen time me askënd.
Pse sanksionohen vajzat e Putinit?
I pyetur se pse dyshja ishin në shënjestër, një zyrtar i lartë në administratën e Biden tha se SHBA mendonte se gratë mund të kishin kontrollin e disa prej pasurive të babait të tyre.
“Ne kemi arsye të besojmë se Putini, dhe shumë nga miqtë e tij, dhe oligarkët, fshehin pasurinë e tyre, fshehin pasuritë e tyre, me anëtarët e familjes që vendosin pasuritë dhe pasurinë e tyre në sistemin financiar të SHBA-së, si dhe shumë pjesë të tjera të botë”, tha zyrtari.
Kreu i shtetit 67-vjeçar është përpjekur gjithmonë t’i mbajë pasardhësit e tij larg vëmendjes dhe rrallëherë i ka folur apo diskutuar për to, shkruan The Sun.
Por mohimi i babait të tyre nuk ka bërë shumë për t’i shpëtuar apo për t’i mbajtur ato jashtë listës së goditur nga sanksionet, pasi ata u goditën me ndalime udhëtimi dhe ngrirje të pasurive sot.
g.kosovari
