Çifti i njohur Justin Bieber dhe Hailey Baldwin, janë një prej më të dashurve për publikun. Ata u lidhën, dashuruan dhe martuan brenda një kohe të shpejtë dhe prej disa kohësh kanë blerë strehën e tyre të dashurisë në California, SHBA, një shtëpi e cila kushton plot 25 milionë dollarë, të cilën po ua prezantojmë më poshtë.
Hyrja– Teksa hyn në shtëpi, një korridor i gjatë me pamje nga kopshti orienton drejt kuzhinës dhe sallës së ngrënies.
Hapësirat e mëdha në natyrë-Njëlloj si pjesa më e madhe e shtëpive në California, vila e Justin dhe Hailey ka një hapësirë të ngrohtë për mbrëmjet e verës buzë pishinës, apo edhe për dimrin me oxhak.
Forma fizike- Çifti ka në shtëpi një palestër me ajër të kondicionuar ndërsa në oborr kanë edhe një fushë tenisi.
Mbrëmjet në ekran– Me shumë mundësi Justin dhe Hailey do të kalojnë shumë mbrëmje si në kinema, duke parë Netflix dhe filmat e preferuara, në ambientin e përshtatur si kinema.
Streha e dashurisë– Një prej pjesëve më të bukura të shtëpisë është dhoma e gjumit, me hapësirë të madhe dhe me pamje nga oborri përreth.
Zemra e shtëpisë-Kuzhina luksoze e pajisur me elektroshtëpiake luksi, është një prej ambienteve të arreduara më me shije nga çifti. /a.y/noa.al
