Dje, një nga ndjekëset e saj në Instagram i ka shkruar me mllef, për shëtitjet e shumta të Arminës jashtë Shqipërisë, duke e akuzuar atë që i organizon ato me paratë e popullit dhe që duhet t’i vijë turp para vajzave të tjera shqiptare që nuk kanë këto mundësi. Pak absurde të mendosh që një bloggere, si Armina, përdor paratë e popullit, por nuk është hera e parë që populli përmendet edhe aty ku nuk ka punë. Gjithsesi, komentuesja ka shprehur një mendim që e kanë edhe shumë njerëz të tjerë, kur shohin dikë që bën një jetë të kushtueshme dhe e paraqesin atë para syve të njerëzve që nuk munden ta arrijnë, por kjo është jeta e bloggereve, duam apo nuk duam.
Megjithatë, Armina i është përgjigjur vetë këtij komenti brenda një kohe të shkurtër.
“Më vjen shumë keq për ato vajza që s’kanë mundësi dhe unë ndihmoj sa më shumë të kem mundësi, por udhëtimet e mia janë pjesë e punës sime dhe të mbështetur nga njerëz me të cilët bashkëpunoj. Kjo është diçka e vështirë për t’u kuptuar në Shqipëri, por unë po investoj kohë në fushën time dhe s’ka të bëjë me asnjë person apo paratë e popullit, siç ju i quani. Unë kam fitimet e mia, me këtë punë që po bëj”, është përgjigjja e plotë e Armina Mevlanit.
ma.me
