Edhe pse hapja zyrtare u bë dje në mbrëmje, “Sheshi Skëndërbej” ka qenë edhe sot një nga pikat më të vizituara të Tiranës. Qindra qytetarë kanë shuar kureshtjen e tyre teksa kanë vizituar për herë të parë apo të dytë sheshin simbol të bashkimit të shqiptarëve.
Përveç sheshit i cili shërben tashmë vetëm si pedonale, interes për vizitorët e shumtë kanë qenë shatërvanët si edhe pjesa e gjelbëruara dhe pyllëzuar rreth sheshit. Natyrisht që nuk kanë munguar as grupe të shumta turistësh të huaj, duke e kthyer tashmë sheshin kryesor të shqiptarëve në një atraksion të mirëfilltë turistik.
Sheshi u hap dje në mbrëmje përmes një ceremonie madhështore, ku morri pjesë edhe kryeministri Rama, ndërsa grupe folklorike nga të gjitha trojet shqiptare mbajtën të mbërthyer deri në mesnatë mijëra qytetarë. /a.ç
