Një valixhe e braktisur ka zhytur ne panik qytetarët e zonës “Vasil Shanto” dhe afer stadiumit “Dinamo” në Tiranë. Valixhja e kuqe e lënë pranë një dyqani ka bërë që qytetarët të telefonojnë policinë dhe të japin alarmin për bombë.
Nga fotoja e siguruar në vendngjarje shihet një valixhe e braktisur në shkallët e një dyqani, që ka mbyllur qepenat. Policia dhe forcat speciale RENEA, pas alarmit të banorëve ka shkuar në vendngjarje dhe ka rrethuar zonën.
Pritet shpërthimi i komanduar i saj nga forcat ‘Xhenio’.
Ndërkohë që ende nuk dihet nëse ky është një alarm i rremë dhe dikush ka harruar valixhen në këtë vend, ose në atë valixhe ka lëndë shpërthyese.
/m.j
