Nga rezultatet e testeve të 31 personave, 10 prej tyre janë të prekur ndërsa 21 të tjerëve testi u ka rezultuar negativ. Por mbi 100 mostra të tjera po priten të shihen nëse do të kenë test negativ apo pozitiv.
“Nga 3.700 njerëz, rreth 2266 pasagjerë dhe 1045 anëtarë të ekuipazhit të anijes kanë mbetur të bllokuar.”- deklaroi Princess Cruises.
Kjo kroçerë me emrin, “Princess Cruises”, është ankoruar në Gjirin e Yokohama, ku të gjithë njerëzit brenda saj do të qëndrojnë në karantinë për 2 javë.
“Ekipet mjekësore janë duke shkuar dhomë në dhomë për të kontrolluar temperaturën dhe gjendjen mjekësore të secilit pasagjer.”- ka thënë në një deklaratë Ministria e Shëndetësisë së Japonisë.
Njëri prej pasagjerëve të infektuar në kroçerën “Princess Cruises”, është një burrë 80-vjeçar nga Hong Kongu. 80-vjeçari kishte bërë një udhëtim në Kinë më 10 janar, por nuk ka qenë pranë tregut ushqimor të mishit të kafshëve ku thuhet se ka shpërthyer virusi.
Por sipas mjekëve, 80-vjeçari është në gjendje më të mirë shëndetësore tani.
Dhjetë personat dy australianë, një amerikan, tre nga Hong Kongu, dy nga Japonia dhe një anëtar i ekuipazhit të Filipinës u morën në breg të detit nga rojet bregdetare japoneze dhe u dërguan në spitalet aty pranë menjëherë.
Zëdhënësi i qeverisë tha se anija tashmë kishte ndaluar të shtunën në portin e Naha, por diagnoza e një burri 80-vjeçar detyroi kontrolle të mëtejshme.
Përveç kësaj, çdo pasagjer që hipi në Hong Kong ose kishte kontakte të ngushta me njeriun e infektuar do t’i nënshtrohet testeve për koronavirus.
Pacienti 80-vjeçar ‘nuk vizitoi një qendër mjekësore brenda anijes ndërsa ai po lundronte me ne’, sipas operatorit të lundrimit Carnival Japan.
“Sipas spitalit ku ai po qëndron, gjendja e tij është e qëndrueshme dhe infeksioni nuk u gjet midis anëtarëve të familjes së tij që lundruan me të,” thanë ata.
Japonia ka ndaluar tashmë shtetasit e huaj që kanë qenë në Hubei, provinca kineze në qendër të shpërthimit të koronavirusit.
Njerëzit me pasaporta të lëshuara në Hubei janë gjithashtu të ndaluar nga Japonia në përpjekje për të kontrolluar krizën.
Vizitorëve që shfaqin simptoma të virusit të ri kur mbërrijnë në Japoni gjithashtu mund të mos pranohet hyrja.
Gjithsej 11 të huaj janë ndaluar të hyjnë deri më tani, tha sot agjencia e shërbimit të imigracionit.
Japonia gjithashtu ka rikthyer më shumë se 500 qytetarë të saj nga Wuhan, nga ku ka origjinën koronavirusi.
Sëmundja besohet të ketë dalë në një treg në Wuhan që shiste kafshë të egra, duke u përhapur me shpejtësi ndërsa njerëzit udhëtuan për festën e Vitit të Ri kinez në fund të janarit.
Virusi deri më tani është përhapur në më shumë se 20 vende, duke bërë që Organizata Botërore e Shëndetit të deklarojë një emergjencë globale shëndetësore.
Për më tepër, Hong Kong dje njoftoi se një pacient 39-vjeçar nga koronavirusi kishte vdekur në spital rasti i dytë jashtë territorit të Kinës. / Javanews
g.kosovari
