Një aksident rrugor ka ndodhur sot në aksin nacional Berat-Lushnje në fshatin Moravë. Një automjet tip Benz me targa AA 148 DG, me drejtues shtetasin A.N 39-vjeç ka humbur kontrollin dhe si pasojë ka përfunduar në kanalin në anë të rrugës.
Lagështira në rrugë, moti i keq dhe shpejtësia me të cilën ishte duke qarkulluar mjeti në këtë aks janë bërë shkak për daljen e tij nga rruga. Megjithë devijimet që ka bërë mjeti në këtë aks, që duken qartë edhe nga shenjat e lëna nga gomat në rrugë si dhe përplasjen që ka ndodhur pas rrëzinmit në kanal, drejtuesi i mjeti ka shpëtuar mbrekullisht pas asnjë lëndim.
Ai ka dalë vetë nga automjeti dhe ka pritur në vendngjarje mbërritjen e ekpsertëve të policisë rrugore, që po punojnë për zbardhjen e plotë të rrethanave të këtij aksidenti. Burime nga vendngjarja bëjnë me dije se automjeti ka bërë disa zigzake në rrugë përpara se të përfundonte në kanal,por fatmirësisht rruga ka qënë bosh dhe nuk është përplasur me asnjë mjet tjetër.
g.kosovari
