Një atentat i tipit mafioz ka ndodhur sot në fshatin Përparim në Elbasan, ku ka mbetur i vdekur një 23 vjeçar i identifikuar si Andi Zylyfi dhe një 21-vjeçar ka mbetur i plagosur, i identifikuar si Albert Uruçi.
Sipas raportimeve të gazetarit Fatmir Popja, referuar burimeve zyrtare nga policia, ka dyshime që kemi të bëjmë me një atentat të mirëorganizuar, ndërsa thuhet se bëhet fjalë për larje hesapesh mes bandash rivale.
Ndaj dy të rinjve janë zbrazur 2 karikatorë kallashnikovi, ndërsa autorët mundën të largoheshin pas ngjarjes. Aktualisht 23-vjeçar Uruçi ndodhet në gjendje të rëndë në reaminacionin e spitalit rajonal të Elbasanit.
Viktima Andi Zylyfi dhe i plagosuri Albert Uruçi
