Shefja për Politikën e Jashtme të Bashkimit Europian, Kaja Kallas, theksoi rëndësinë e bashkëpunimit të ngushtë mes Shqipërisë dhe BE-së në Forumin për Dialogun Shqipëri-BE për Sigurinë dhe Mbrojtjen.
Ajo vlerësoi angazhimin e Shqipërisë në mbështetje të politikave të BE-së, duke përfshirë respektimin e masave kundër Rusisë dhe kontributin në operacionet e sigurisë. Kallas shtoi se Shqipëria, si anëtare e NATO-s, ka pasur me BE një bashkëpunim të jashtëzakonshëm dhe shprehu shpresën për zgjerimin e bashkëpunimin në fusha të tjera, si kërcënimet kibernetike dhe menaxhimi i krizave. Ajo gjithashtu theksoi angazhimin e BE-së për mbështetje të vazhdueshme në procesin e integrimit të Shqipërisë, duke shpresuar që kapitujt e negociatave të mbyllen në një të ardhme të afërt.
Kaja Kallas: BE vlerëson mbështetjen e Shqipërisë. Shqipëria ka vendosur të respektojë masat e BE kundër Rusisë, duke kontribuar në operacionet dhe si vend anëtar i NATO-s, Shqipëria ka dhënë një bashkëpunim të jashtëzakonshëm. Ne shpresojmë që të zgjerojmë bashkëpunimin në fusha të tjera, siç janë kërcënimet kibernetike, si dhe menaxhimin e krizave. Ne po shikojmë sesi ta përfshijmë më shumë Shqipërinë në disa fusha. Dua të shpreh vlerësimet e mia për ambiciet për integrimin në BE, mund të besoni tek ne, ne do jemi këtu me shpresa që kapitujt të mbyllen.
