Kryeministri Edi Rama do të vizitojë nesër Serbinë ku do të marrë pjesë në Forumin Ekonomik të Nishit, që do të mbahet në datat 13 dhe 14 Tetor.
Në vizitën e radhës në Serbi, Rama pritet të ketë edhe një takim të veçantë me homologun e tij serb Aleksandër Vuçiç ku do të diskutojnë për një sërë çështjesh me interes të përbashkët.
Ndërkohë, dy kryeministrat do referojnë në panelin me temë “E ardhmja e marrëdhënieve Shqiptaro-Serbe dhe Stabiliteti i Europës Jug-Lindore”, me moderator Misha Glenny, Profesor i asociuar, Harriman Institute, Columbia University.
Kryeministri Rama do të takohet edhe me përfaqësuesit e Luginës së Preshevës dhe Bujanovcit dhe të zgjedhur shqiptarë në Parlamentin serb.
Gjithashtu, kryeministri do të promovojë edhe librin e tij, Kurban, i përkthyer në gjuhën serbe./a.m.
