I kandiduar për Kryeministër nga PAN, Ramush Haradinaj ka thënë se seanca e nesërme mund të mos mbahet.
Këtë deklaratë, Haradinaj e bëri gjatë një konference për media ku prezantoi kandidatin për kryetar të Ferizajt.
“Më vjen keq për shtyrjet që kanë ndodhur deri tani, jemi në përpjekje që të jemi në nesër në seancë, por ekziston mundësia reale që as nesër s’do të fillojë seanca”.
Haradinaj pohoi se zgjedhjet prodhuan rezultatin që tashmë e dinë të gjithë, ndërsa tjeksoi se vonesat kanë të bëjnë me gjetjen e një formule për institucione sa më të qëndrueshme.
“E para zgjedhjet e kanë prodhuar rezultatin që e dini të gjithë. E dyta jemi përballë një kornize ligjore që nuk po krijon lehtësira. E treta nuk jemi aspak të interesuar që ta bëjmë një qeveri sa për ta bërë. Vonesat kanë të bëjnë me gjetjen e një formule për institucione stabile qeverisëse dhe prandaj opinioni publik duhet të na mirëkuptojë. Është koha që partitë politike dhe udhëheqësit e tyre të reflektojnë dhe t’i pranojnë rregullat e lojës që na i ka përcaktua kushtetuta dhe gjykata kushtetuese dhe ta zhbllokojmë vendin. Ky vend nuk mund të jetë peng i inateve dhe kalkulimeve!”, tha Haradinaj
a.ç
