Shqipëria do të presë Spanjën sot në mbrëmje në “Loro Boriçi” të Shkodrës në atë që do të jetë ndeshja e tretë për të dyja ekipet në kuadër të eliminatoreve të vlefshme për Kupën e Botës “Rusi 2018”.
Tifozë nga të gjitha trojet shqiptare janë derdhur drejt Shkodrës për të mos humbur këtë takim shumë të rëndësishëm me një prej Kombëtareve më të forta të historisë siç është “Furia Roja”.
Në Shkodër gjatë këtyre orëve ka pasur shumë reshje shiu, por kjo nuk cenon mbarëvajtjen e ndeshjes që do të nisë në orën 20:45.
FORMACIONET
Zyrtarizohen formacionet e Shqipërisë dhe Spanjës në ndeshjen që pritet të nisë pak pak minutash në “Loro Boriçi” të Shkodrës.
Trajneri De Biazi i është rikthyer skemës së tij së preferuar me 3 shkatërrues, ndërsa ka vendosur të hedhë këtë formacion. Në portë si gjithmonë do të jetë Etrit Berisha. Në mbrojtje Ansi Agolli do të marrë vendin e tij në krahun e majtë, ndërsa në të djathtë do të jetë Elseid Hysaj.
Në qendër do të jetë dyshja Mavraj-Gjimshiti. Në mesfushë De Biazi do të rikthejë gjithashtu Taulant Xhakën, që pritet të formojë repartin me Memeushajn dhe Andi Lilën në qendër, teksa nga krahët do të veprojnë Ermir Lenjani në të majtë dhe Odise Roshi në të djathtë, që do të mbështetin Bekim Balajn në majë të sulmit.
Ndërkohë, nga ana tjetër, Lopetegui është përgjigjur me këtë rreshtim: në portë David De Gea. Në mbrojtje do të jenë Monreal, Pike, Ramos dhe Koke, në mesfushë Busktes, Injesta dhe Alkantara, ndërsa në sulm David Silva dhe Vitolo nga krahët do të mbështesin Diego Kostën./bw/a.k
