Liverpooli është ekipi i parë që ka zbuluar formacionin titullar për ndeshjen kundër Atletico Madridit që do të luhet në orën 21:00. Trajneri Jurgen Klopp nuk ka shumë surpriza në formacionin e tij titullar, pasi yjet janë në ekip.
Gomez vazhdon të luajë në krah të Van Dijk, ndërsa Matip mbetet në stol. Fabinho, Henderson dhe Wijnaldum luajnë si titullarë, ndërsa sulmi nuk preket me Salah, Firmino dhe Manenë.
Atletico Madridi ka surpriza, po ashtu me formacionin titullar. Trajneri Diego Simeone ka vendosur të aktivizojë nga minuta e parë Moratan dhe Correa, por në stol ka rikthyer Diego Costan. Sulmuesi mund të marrë minuta.
