2024 do të jetë viti i aftësimit profesional për zejtarinë dhe artizanatin në vend. Kështu u shpreh ministri i Ekonomisë, Kulturës dhe Inovacionit, Blendi Gonxhja gjatë një aktiviteti në kryeqytet ku fokusi ishte tek gratë sipërmarrëse zejtare.
“Do të jetë viti i aftësimit profesional dhe i ndihmës për zejtarinë dhe për artizanatin dhe për pasurimin e këtij komuniteti të jashtëzakonshëm me të gjitha mbështetjet që ai ka nevojë. Me të gjitha asetet, shërbimet që do të ketë nevojë për t’u fuqizuar”, tha Gonxhe.
Ministri Blendi Gonxhja u shpreh se mbështetja financiare për këtë kategori nuk do të mungojë.
“Programi për të paraqitur për një fuqizim të jashtëzakonshëm sivjet dhe nga ana buxhetore dhe nga ana e gjithë vëmendjes së shtetit, për rritjen e këtij tregu dhe këtij prodhimi të brendshëm i cili është shumë i rëndësishëm sepse nuk është një zanat apo mjeshtëri që do të jepte të njëjtat rezultate nëse ju do të lëviznit nga Shqipëria”, tha Gonxhe.
Për disa nga sipërmarrësit e zejtarisë u shpërndanë edhe certifikata vlerësimi për kontributin në këtë sektor të rëndësishëm të vlerave dhe ekonomisë së vendit.
/f.s
