Policia ka zbarkuar në Dibër me qëllim goditjen e paligjshmërisë ku janë kryer një sërë kontrollesh në banesa, lokale, si dhe me post-blloqe në rrugë.
Jo vetëm policia e Dibrës…në ndihmë të tyre kanë shkuar Forcat e Ndërhyrjes së Shpejtë nga Tirana. Dy persona u vunë në pranga gjatë këtyre kontrolleve, njëri për lëndë narkotike dhe tjetri për armëmbajtje pa leje.
Në pikën e kontrollit tek “Ura e Topojanit”, në Maqellarë të Peshkopisë, në rrugën nacionale-Shupenzë-Peshkopi, gjatë kontrollit të ushtruar në automjetin ‘Landrover’, që drejtohej nga Fatjon T, poshtë sediles së shoferit është gjetur një kuti me 100 copë kapsolle alumini shpërthyese.
Fatjon T, 38 vjeç, lindur dhe banues në Dushaj u arrestua në flagrancë.
Po gjatë ditës së sotme, gjatë kontrollit në një tjetër pikë kontrolli të ngritur në vendin e quajtur “Kuben”, në aksin rrugor Peshkopi – Muhurr, gjatë kontrollit në automjetin tip “Land Rover”, me targa angleze, me drejtues mjeti Kleo K., 32 vjeç, policia gjeti lëndë narkotike.
Në momentin e ndalimit nga policia për kontroll , drejtuesi i automjetit ka tentuar të largohet me vrap duke hedhur poshtë rrugës një qese ku brenda saj kishte “Cannabis Satiava”.
Shërbimet e Policisë kanë bërë kapjen e tij si dhe grumbullimin e lëndës narkotike ku paraprakisht rezulton me peshë rreth 30 gramë.
Në përfundim të veprimeve të para , është bërë arrestimi në flagrancë i tij për veprat penale “Mosbindja ndaj urdhrit të Punonjësit të Policisë së Rendit Publik”, si dhe për veprën penale “Prodhimi dhe shitja e narkotikëve”. Express
a.ç
