Numri i lartë i veteranëve të Ushtrisë Çlirimtare të Kosovës, rreth 46 mijë, i ka hapur telashe Qeverisë së Kosovës për sigurimin e fondeve për të mbuluar benefitet e tyre.
Kjo ka bërë që qeveria vazhdimisht të konsultohet me Fondin Monetar Ndërkombëtar, për të gjetur një zgjidhje. FMN-ja ka insistuar që Qeveria e Isa Mustafës të mos paguaj më shumë se 20 mijë veteranë. Ndërkohë që organizatat e dala nga lufta kanë kundërshtuar këtë gjë, transmeton lajmi.net
Mustafa është takuar me një delegacion të FMN-së të kryesuar nga shefi i Misionit për Kosovën, Jacques Miniane.Në njoftim thuhet se gjatë takimit u bisedua edhe për veteranët, ndërkaq theksohet nevoja që pagesat të bëhen brenda parametrave si kush për vazhdimin e bashkëpunimit.
“Në takim u bisedua edhe për nevojën e adresimit brenda parametrave, të çështjes së pagesave për veteranët, si çështje e rëndësishme për stabilitetin e mëtejshëm buxhetor dhe financiar të vendit, por edhe si kusht i vazhdimit të programit me FMN-në”, thuhet në njoftim, referon Zëri. (b.an)
