Edhe pse në rikonstruksion dhe në kushte aspak optimale, shqiptarët tregohen të papërmbajtur me shpejtësinë në autostradën Tiranë – Durrës.
Polica Rrugore e Tiranës zbulon se gjatë fundjavës janë gjobitur drejtuesit e mjeteve që kanë tejkaluar shpejtësinë në këtë aks.
10 leje drejtimi janë pezulluar për shpejtësi nga 140 km/h deri në 179 km/h.
“Megjithëse kontrollet janë të pandërprera çdo ditë perseri ka drejtues mjetesh që qarkullojnë me shpejtësi shumë mbi limitin e lejuar, dhe pa pasur asnjë arsye për të qarkulluar me këto limite shpejtesie”, njofton policia.
Gjithashtu policia Rrugore e Tiranës është e angazhuar për të evidentuar dhe ndëshkuar çdo shkelës të kodit rrugor, me qëllim parandalimin e aksidenteve rrugore.
“Qarkulloni duke zbatuar rregullat e qarkullimit që destinacioni juaj të jetë i sigurt”, këshillon Rrugorja.
a.ç
