Një familje me dy fëmijë ka të drejtë të marrë deri në 9,300 dollarë, si dhe fluturim falas për në vendit e tyre, ka bërë të ditur drejtoria e imigracionit në Norvegji.
Raportohet se më shumë se 900 njerëz e kanë pranuar ofertën e qeverisë.
“Refugjatët kanë menduar se sapo të vijnë në Norvegji do të merren në mbrojtje”, tha kreu i Drejtorisë Norvegjeze të njësisë të emigracionit të kthimit për mediat lokale.
Në vend të kësaj, kërkesat për bashkim familjar shpesh herë mund të zgjasin me vite dhe një numër i madh refugjatësh që janë larguar nga Lindja e Mesme dhe nga Afrika nuk duan që të presin për një kohë kaq të gjatë.
“Në fillim të vitit, numri i azilkërkuesve ishte mesatarisht 100 në muaj, ndërkaq në tetor ka pasur 150 ndërsa në nëntor janë paraqitur 230 aplikacione”, tha zëdhensi i IOM-it Joost Van der Aalst.
Drejtoria Norvegjeze e Imogracionit ka deklaruar se mund të jetë e nevojshme që të zvogëlojë edhe vlerën e mbështetjes ekonomike që u ofrohet azilkërkuesve.
Refugjatët, të cilëve u është mohuar azili kanë mundësi të aplikojnë për ndihmë financiare që të kthehen në shtëpinë e tyre.
