Fluksi i pushuesve në zonat turistike të Lezhës është shoqëruar edhe me shtim të prezencës së policisë për të rritur sigurinë.
Patrullat e uniformave blu përshkojnë të gjithë zonën, madje edhe shëtitoren kryesore.
Efektivë me biçikleta janë vendosur në pjesën ku lëvizin pushuesit.
Edhe këtë verë nuk mungon mbështetja e patrullave të policisë nga Kosova.
Shefi i qarkullimit në Drejtorinë Vendore të Policisë Lezhë, Adriatik Huti, thotë se ky përqëndrim i policisë nuk ka qëllim ndëshkimin, por ndërgjegjësimin në parandalimin e aksidenteve rrugore dhe ngjarjeve kriminale.
“Nuk është synimi gjoba se sa është mbarëvajtja e trafikut mbarëvajtja e rregullit, dhe parandalimi i aksidente rrugore me pasoja për përdoruesit e rrugës. Këto shërbime ndihmohen edhe nga shërbimet e policisë rrugore të Kosovë, të cilat janë të shpërndara në aksin rrugorë nga Lezhë-Shëngjin, Lezhë-Mmilot dhe në “Rrugën e Kombit”, tha Huti.
Patrullimi në zonat turistike të Lezhës vijon gjatë 24 orëve, ndërsa deri me tani sezoni ka qenë i qetë dhe pa incidente apo ngjarje kriminale.
a.ç
