Këtë të diel, pika kufitare e Muriqanit është përballur me fluks të shtuar lëvizjesh. Pjesa më e madhe e udhëtarëve janë shtetas shqiptarë që udhëtojnë drejt Malit të Zi për të kaluar fundjavën.
Sipas autoriteteve kufitare në Muriqan, gjatë 24 orëve të fundit është regjistruar një fluks i lartë hyrjesh në territorin e Republikës së Shqipërisë. Ky shtim i lëvizjeve lidhet kryesisht me afrimin e festave të dhjetorit, periudhë gjatë së cilës shumë emigrantë zgjedhin të kthehen pranë familjeve.
Autoritetet doganore bëjnë të ditur se gjatë 24 orëve të fundit kanë hyrë gjithsej 20100 shtetas shqiptarë dhe të huaj, si dhe kanë dalë 2069 shtetas. Kanë hyrë gjithsej 990 mjete dhe kanë dalë 948. Autoritetet po punojnë për të menaxhuar situatën dhe për të shmangur vonesat, ndërsa u bëhet thirrje udhëtarëve të tregojnë durim dhe të respektojnë rregullat kufitare.
