Nga dita e premte dhe deri ditën e djeshme (19 gusht) në portin e Durrësit janë përpunuar në hyrje dhe dalje afro 38 mijë pasagjerë dhe 11 428 automjete.
Fluksi i lëvizjeve është pak më i ulët sesa një javë më parë kur të dhënat zyrtare raportonin 42.585 pasagjerë dhe 13.333 automjete.
Nga dita e premte në të martë, tragetet e linjës Durrës – Bari dhe anasjelltas kanë operuar me lundrime të dyfishta për të përballuar fluksin e udhëtarëve dhe automjeteve.
Sipas shifrave që vijnë nga kapiteneria e portit bëhet e ditur se pasagjerë në hyrje në këto 5 ditë janë regjistruar 12 945, ndërsa automjete 3774. Në dalje fluksi i lëvizjeve ka qenë më i lartë, duke regjistruar 25 033 vetë në ikje dhe 7664 automjete.
Por ndryshimi i një jave më parë, me javën që sapo u mbyll është se tashmë fluksi i lëvizjeve është përqendruar në dalje.
Periudha e pushimeve verore ka përfunduar për shumë nga emigrantët dhe shqiptarët e diasporës kështu që pjesa më e madhe e tyre ka nisur rikthimin në vendet ku ata jetojnë e punojnë.
