Fluks turistësh në Portin e Durrësit. Sa i përket sektorit të udhëtarëve, janë 230 mijë pasagjerë të regjistruar në hyrje-dalje të vendit nëpërmjet pikës kufitare të Durrësit, gjatë janar-qershor 2024, ku një rritje në masën 6% reflektohet në shifrat e shtetasve të huaj në vendin tonë.
Trend rritës kanë njohur edhe shifrat e hyrje-daljeve të mjeteve nëpërmjet Terminalit të Pasagjerëve nga ku janë transportuar mbi 99 mijë automjete, kamionë dhe trailerë ose 4% më shumë krahasuar me të njëjtën periudhë 6 mujore të vitit që lamë pas.
Vetëm në muajin korrik 2024 janë përpunuar 85100 pasagjerë. Rreth 6 përqind më shumë se korrikun e vitit 2023.
/a.r
