“Rama ka marrë Lul Bashën strateg fushate”. Kështu e ka cilësuar Edi Paloka raportin e ri, “dashuri-urrejtje” që ka lindur në rrjetet sociale midis kreut të Koalicionit Euroatlantik dhe kryeministrit Edi Rama.
Pasi tha se Basha nuk ka qenë kurrë lider i demokratëve, Paloka në “Off the Record” nga Andrea Danglli, shtoi se i ka ndjekur memet dhe replikat e fundit të ish-kreut të PD me shefin e qeverisë, të shoqëruara me ritmet e këngëve të reperit Unikkatil.
Më tej ai shtoi se Basha është bërë pjesë e humorit me “flirtin” e tij të ri me Ramën dhe vazhdon lojën 4-vjeçare me Ramën.
“S’ka qenë kurrë lider. Ka qenë kryetar i PD, por jo lider, kurrë. Jo unë kam qenë nënkryetari, njeriu më afër atij politikisht se gjithë të tjerët. Lider nuk ka qenë kurrë. Sa herë më pyesin tani për Lulzim Bashën, unë nuk e ndjek më. Po këto gallatat, memet edhe këto qyfyret se i shoh aty, më dalin në Facebook. Është pjesë tani e humorit shqiptar. Tani ka kaluar na banalitet në fakt, por ndonjëherë të bën për të qesh. Se do i bëj reklamë Lolitës sot. Se e e kishte nxjerr thelbin sot. Duke thënë Berisha ka marrë Alisën për fushatë, ky tjetri ka marrë këtë, atë. Mu më ngelet me shku me Ramën thoshte. Dikush i thoshte: ‘Kot e ke, se edhe Rama e ka zgjidh, ka marrë Lulzim Bashën’. Kështu që është pjesë e strategjisë, që është bërë e vjetër tani. Ai po përdor një që ka katër vite që e përdor”, tha Paloka në “Off the Record” nga Andrea Danglli.
