Familjarët e Leonard Thodhorit dhe Fatmir Sulovarit (Krasniqit), dy të zhdukurve në Sarandë kanë zhvilluar një protestë ditën e sotme para Drejtorisë së Përgjithshme të Policisë.
Një prej vëllezërve të Fatmir Sulovarit (Krasniqi) foli për gazetarin Spartak Koka këtë të martë ku kërkoi që policia të gjejë trupat e pajetë të dy të zhdukurve.
Ata dyshojnë që dy 46-vjeçarët janë vrarë pasi kanë 27 ditë që nuk kanë kontakt me ta. Po ashtu, një prej vëllezërve shprehet se policia nuk ka dhënë asnjë sqarim se pse i ka ndërprerë kërkimet për ta.
Vëllai i Fatmirit: Asnjë sqarim asnjë gjë më shumë kërkime kemi bërë ne, se Saranda 3 rrugë ka.
Spartak Koka: Ju kanë dhënë një sqarim?
Vëllai i Fatmirit: Asnjë sqarim nuk kanë dhënë. Po kërkojmë po bëjmë dhe asnjë gjë. I kanë ndërprerë me kërkimet, me të tëra.
Spartak Koka: Përse i kanë ndërprerë kërkimet?
Vëllai i Fatmirit: Nuk e dimë. Ato punë i di shteti. Ndaj kemi ardhur këtu.
Spartak Koka: Kontakti i fundit?
Vëllai i Fatmirit: Të martën. 4 Prill ka ikur në Sarandë.
Vëllai i Fatmirit: Shkonte te toka. Kishte për të marrë ca materiale. Kaq. Tha do ikim lart, të marrim ato.
Spartak Koka: Si e njihte Leonard Theodhorin?
Vëllai i Fatmirit: E kanë njohur më para atje të disko. Rrinte atje ruante, kur nuk ishim ne. Po këto s’kanë lidhje. Policia ça po bën. 3 rrugë ka Saranda. Bashkia thotë nuk punojnë kamerat në qytetin e Sarandës.
Vëllai i Fatmirit: Shteti nuk po thotë asnjë gjë. Ne duam trupat.
Spartak Koka: Ju dyshoni që i kanë vrarë?
Vëllai i Fatmirit: Patjetër, 27 ditë. Një telefonatë do ishte, se ai s’kishte ditë që mos telefononte familjes.
Vëllai i Fatmirit: Duam trupin nga shteti, nuk duam gjë tjetër. Do ta vazhdojmë protestën.
/a.r
