Kohët e fundit është folur mjaft për një konflikt të mundshëm ndërmjet trajnerit të kombëtares shqiptare Gianni De Biasi dhe mesfushorit Ergys Kaçe. Sipas aludimeve në media, Kaçe bëri gati largimin nga kombëtarja por ka qenë Armando Duka ai që e bindi të qendrojë.
Shkak i nervozizmit të Kaçes u bë mosaktivizimi për asnjë minutë me Danimarkën apo me Portugalinë.
Por për të shuar këto zëra, vetë Ergys Kaçe përmes një postimi në Facebook ka sqaruar se nuk ka pasur asnjë mosmarrëveshje me De Biasin.
“Marr shkas nga këto shkrime ne rrjetet sociale apo dhe ne gazeta qe unë si Ergys Kace kam kundërshtuar trajnerin dhe nuk kam dashur që të grumbullohem në ndeshjen me Portugalinë. Unë deklaroj me bindje të plote që nuk kam asgjë me trajnerin dhe unë jam shume i qartë nga trajneri Gianni De Biazi ne strategjitë e lojës se ti. Unë për Kombin tim do jem gjithmonë i gatshëm dhe do jap kontributin tim nga Stoli ose dhe nga TV ne qofte se është e mundur. Ju falënderoj Përzemërsisht E.Kace”, shkruan ai
