Babai i 23 vjeçarit Klajdi Bitri i cili u vra të dielën në Itali bën thirrje për ti ndihmuar në sjelljen e trupit te birit sepse ata nuk kanë mundësi financiare.
“Më ka ndodhur një fatkeqësi e madhe. Nuk ia uroj as hasmit. Vajti për të ndarë një sherr e ma qëlluan e ma vranë, pa faj. Unë fëmijët i kam rrit me edukatë. Kaq 6 vite që punon në Itali punonte me djersën e ballit.
Gruaja ende nuk e di, po e mbajmë me gajret nëpër spitale. Unë kam dalë jashtë e flas jashtë dhe kam dy ditë që qaj mbyturazi”, thotë Agim Bitri duke iu dridhur zëri.
I riu u vra me shtizë peshkimi nga një person me origjinë nga Algjeria. Ngjarja e rëndë u shënua në Sirolo të Italisë.
I riu ka ndërhyrë për të shuar sherrin kur është goditur në gjoks me shtizë peshkimi nga algjeriani.
/f.stafa
