Raporteri për Shqipërinë, Knut Fleckenstein do të vizitojë Tiranën për të parë ecurinë e dialogut për reformën në drejtësi. Shqipërisë mund t’ i jepet statusi nëse reforma kalon, por drejtësia do të dojë kohë të reformohet.
“Për reformën në drejtësisë duhet të ketë një diskutim të gjerë. Reforma do të diskutohet edhe në gjirin e Kuvendit, Por ky diskutim duhet të jetë pa mëdyshje dhe të shpresojmë edhe i shpejtë për të arritur në aprovim. Ne e dijmë shumë mirë që pas aprovimit fillon puna e vërtetë, që është zbatimi i reformës dhe është e qartë, se zbatimi do të marrë kohë. Por etapa e parë është aprovimi”- theksoi Fleckenstein në një prononcim për ABC News.
Ai iu përgjigj edhe pyetjes pse refuzoi amendamentin për ndërprerjen e negociatave të Shqipërisë me Bashkimin Europian.
“Së pari, nuk pranova amendamentin e grupimit ekstremist të djathtë për ndërprerje të negociatave të anëtarësimit me Shqipërinë, pasi kjo përfaqëson qëndrimin e një minoriteti shumë të vogël të Parlamentit Europian dhe së dyti, mua nuk më pëlqejnë rekomandimet që kanë të bëjnë më minoritetet. Unë jam tërësisht në favor të mbrojtjes së te drejtave të njeriut dhe të drejtave të minoriteteve, por të duash të përmendësh në paragrafe të veçanta çdo minoritet, disa herë duket si të luash një lojë. Të patën kjo nuk do gjendet në një raport që mban emrin tim.”-tha Fleckenstein.
